Жавоблар топилганда саволлар ўзгаради. Туркиядаги Ўзбекистонликлар бебош қолдими?

 ADOLATSIZ INNOVATSION KOʻZBOʻYAMACHILIK

Bugun telegramda ikki nafar tanishimdan gʻalati iltimosnoma keldi, birinchi tanishim Jizzax  Politexnika institutining Avtotransport fakulteti dekani (menimcha dekan boʻlsalar kerak, xabar ostida shunday teg bor) Saidaxmedova Nodira Ilhomovnaga ovoz berishimni iltimos qildi, tanimaymanku desam “bizni dekan” deb javob qaytardi, xullas kirib ovoz bermadim, tanimagan odamimga qanday qilib ovoz berishim mumkin? Ustiga ustak meni ovozim boshqa ishtirokchilarning reytingiga tasir koʻrsatadigan boʻlsa. Oradan bir soatcha vaqt oʻtgach boshqa bir tanishim xuddi shu institutning Arxitektura va qurilish fakultetini dekani Berdiqulov Aʼzam Mardanovichga ovoz berishimni soʻrab iltimos qildi, bu safar xabarni eʼtiborsiz qoldirolmadim, oʻzi nima boʻlayotganiga oydinlik kiritish uchun havola orqali kanalga oʻtdim.

Kanalda institutning 5 nafar dekanini surati qoʻyilgan, tagida lavozimi ismi sharifi yozilgan va ovoz berish uchun havola bor, xullas 23-dekabr soat 22:00 gacha kim koʻp ovoz yigʻsa oʻsha dekan Oʻzbekiston Yoshlar Ittifoqi Jizzax Politexnika instituti boshlangʻich tashkiloti tomonidan “ETIROF – 2018” tanlovida gʻolib hisoblanar ekan, men bu kanalni kimdir ermak uchun ochganmikan yoki rasmiy maqomga egami deb kanalda koʻrsatilgan raqamga qoʻngʻiroq qilib soʻrab koʻrdim, oʻzini Jahongir deb tanishtirgan yigitning aytishicha kanal rasmiy maqomga ega va ovoz berish natijasi boʻyicha gʻoliblar aniqlanadi.

Bu ovoz berishning adolatsizligi shundaki koʻpchilik tanishlarining iltimosi bilan umuman Politexnika institutiga aloqasi boʻlmasa ham ovoz beryapti, nima ham yoʻqotardim bir ikkita harakat bilan degan fikrda. Menga ham ikki tanishim iltimos qildi demak ular telegramdagi boshqa tanishlariga ham bu xabarni joʻnatishgan. Buni isbotlash qiyin emas, kanalning shu postni yozayotgan vaqtimdagi obunachilarining soni 3669 nafar edi, oʻsha vaqtdagi Avtotransport fakulteti dekani Saidaxmedova Nodira Ilhomovnaga mingdan ziyod kishi ovoz bergan, surat ostiga eʼtibor berilsa 10 025 kishi suratni koʻrganini bilish mumkin. 

Demak Nodira opaning talabalari boshqa dekanlarning talabalariga nisbatan yaxshiroq agitatsiya qilishmoqda, undan bunga, bundan unga opaning ovozga qo'yilgan havolasini yani post linkini iloji boricha ko'proq tanishlariga ulashishmoqda, kimdir opani tanib ovoz bergan boʻlsa boshqa kimdir tanimasdan ovoz bermoqda, yakunda shu opa yoki boshqa bir dekan ittifoqning ETIROF – 2018 da gʻolib deb topilsa bu boshqa ishtirokchilarning institutdagi mavqe pastligidan dalolat bermaydi, bu shunchaki adolatsiz innovatsion koʻzboʻyamachilikning oʻzginasi, boshqacha tarif topolmadim. Innovatsion deganimni sababi kanal adminlari obunachi toʻplash uchun yaxshi narsa oʻylab topganligini nazarda tutmoqdaman, kesatishdan tashqari adminlarning ishiga 5 baho, qisqa muddatda kanal obunachilarining sonini ikki uch barobarga oshirib yuborishdi bu tanlovlari bilan.

Senga nima aloqasi bor demoqchidirsiz, men shunchaki boshqalarga nisbatan kamroq ovoz yigʻgan dekanlarga tanlov adolatli oʻtmaganini, gʻolib deb topilgan dekan institut talabalarining bergan ovozining natijasi emasligini bildirib qoʻymoqchiman. Balki dekanlarning oʻzlarini ham xabari bordir, maqsad tanlov emas kanal obunachilari sonini oshirishdir, hammasini tili birmikan degan shubham yoʻq emas. Postimni Politexnika institutining talabalaridan biri oʻqib qolgan va oʻsha talaba kam ovoz yigʻgan dekanning fakultetida oʻqiyotgan boʻlsa, tanlov natijasidan xafa boʻlmasin, bu kanaldagi tanlovda eng kam ovoz yigʻgan dekan aslida gʻolib hisoblanadi.

Qaysi fakultet dekani yoki fakultetni zoʻrligini bilish uchun, oxirgi uch yilda institutni bitirgan talabalarni ayni damda qayerda ishlayotganini surishtirib bilish orqali aniqlab, ommaviy axborot vositalarida e'lon qilsa ham boʻladi. Shunaqa statistika tuziladimi institutlarda? Nimalar deyapman oʻzimga oʻzim.

Beknazar Raxmatov